"მესი ისეთი აღარ არის, როგორიც ადრე იყო", - კოლუმბიელთა ექს-ფორვარდი არგენტინასთან მატჩის წინ

კოლუმბიის ნაკრების ექს-თავდამსხმელმა, ადოლფო ვალენსიამ მსოფლიო ჩემპიონატის საკვალიფიკაციო ეტაპის ეგიდით არგენტინასთან გასამართი მატჩის წინ ფორვარდ ლიონელ მესის შესახებ ისაუბრა.

"არგენტინასთან გასამართი მატჩი ძალიან რთული იქნება. კოლუმბიამ მესი უნდა დაივიწყოს, ისეთი აღარ არის, როგორიც ადრე იყო. მშვიდად თამაშია საჭირო".

"ის, ვისაც უფრო მეტად მეტოქე აინტერესებს, საფეხბურთო მოედანზე ვერაფერს აღწევს", - თქვა ვალენსიამ Caracol Radio-სთან საუბრისას.

მოგეხსენებათ, არგენტინისა და კოლუმბიის ნაკრებების დაპირისპირება 9 ივნისს, თბილისის დროით 03:00 საათზე აიღებს სტარტს.

მესი სუარესს დაუკავშირდა — უცხადებს თუ არა ურუგვაის ნაკრები კოპა ამერიკას ბოიკოტს?