მესის გაფუჭებული პენალტი, ემი მარტინესის გმირობა და მოგება დრამატულ ბრძოლაში - არგენტინა კოპა ამერიკის ნახევარფინალშია!

35-ე წუთზე ალექსის მაკ ალისტერის პასით ლისანდრო მარტინესმა ანგარიში გახსნა. 62-ე წუთზე ეკვადორს გათანაბრების შანსი მიეცა, მაგრამ ენერ ვალენსიამ პენალტი ვერ გაიტანა. 90+2' წუთზე ფელიქს სანჩესის გუნდმა კევინ როდრიგესის გოლით წონასწორობა მაინც აღადგინა და საქმე თერთმეტმეტრიანების სერიამდე მივიდა.

პენალტების სერია არგენტინელთა გამარჯვებით, 4-2 დასრულდა. მიუხედავად იმისა, რომ ლიონელ მესიმ თავისი დარტყმა ვერ გამოიყენა, ხულიან ალვარესმა, ალექსის მაკ ალისტერმა, გონსალო მონტიელმა და ნიკოლას ოტამენდიმ გაიტანეს, ეკვადორელთა მხრიდან კი მხოლოდ ჯონ იებოამ და ჯორდი კაისედომ შეაგდეს. 

აღსანიშნავია, რომ ემილიანო მარტინესისგან კიდევ ერთი ლეგენდარული პერფორმანსი ვიხილეთ. ემის სანაკრებო კარიერაში ჯამში 24 პენალტი დაურტყეს, საიდანაც მხოლოდ 12 გაუშვა (ზუსტად 50%-იანი მაჩვენებელი). 12 არგაშვებული თერთმეტმეტრიანიდან მან 9 მოიგერია, 2 მეტოქეებმა კარს ააცილეს, 1 კი ძელს მოხვდა.

"ალბისელესტე" ნახევარფინალში ვენესუელასა და კანადას შორის გამარჯვებულს დაუპირისპირდება.