მესის მამა: "ლეოს ბარსელონაში უნდა დაბრუნება და გვჯერა, რომ ეს შესაძლებელია"

ლეო მესის მამამ და აგენტმა, ხორხე მესიმ დაადასტურა, რომ „ბარსელონაში“ დაბრუნება რეალურია.

დღეს ლა ლიგამ „ბარსელონას“ ფინანსური გეგმის შესრულებაზე მწვანე აუნთო და თუ კლუბი ყველაფერს გეგმის მიხედვით გააკეთებს, ლეო მესის დაბრუნებაც სავსებით რეალური გახდება.

„ლეოს „ბარსაში“ დაბრუნება უნდა და მეც ვისურვებდი, რომ ის დაბრუნდეს.

ჩვენ გვჯერა, რომ ეს შესაძლებელია.“, - აღნიშნა ხორხე მესიმ „ბარსელონას“ პრეზიდენტ ჟოან ლაპორტასთან შეხვედრის შემდეგ.

უახლოეს დღეებში, კატალონიურმა კლუბმა შესაძლოა მესის ოფიციალური შეთავაზებით მიმართოს. ამჟამად, არგენტინელი თავისუფალი აგენტია.