"მგონი, რაღაცეები დაგვავიწყდა" - სანიოლი თურქეთთან მატჩის შემდეგ

მსოფლიო ჩემპიონატის საკვალიფიკაციო ეტაპზე საქართველოს ნაკრები თურქეთს დაუპირისპირდა და 4:1 დამარცხდა.

მატჩის შემდეგ კომენტარი საქართველოს ნაკრების მთავარმა მწვრთნელმა ვილი სანიოლმა გააკეთა.

"მგონი, რაღაცეები დაგვავიწყდა. რეალობას თვალი უნდა გავუსწოროთ და ვიცოდეთ, სად ვართ და რა დონეზე.

თურქეთს საკმაოდ ძლიერი ნაკრები ჰყავს და ეს დღესაც გამოჩნდა, ჩვენი კი მომავალზე ვფიქრობთ და განვითარების პროცესში ვართ," - განაცხადა სანიოლმა.