მილანი 🆚️ იუვენტუსი | მოდის დედაქალაქი საინტერესო დაპირისპირების მოლოდინში

იუვენტსს სეზონში არცერთი მარცხი არ აქვს. ტიაგო მოტას გუნდი საკმაოდ სტაბილურად გამოიყურება, მცირე პრობლემებია გუნდის დაცვის ხაზში, რადგან ბევრი მოთამაშე დაშავდა და ეს იუვეს მთავარი თავსატეხია. “ბიანკონერის“ ყველაზე ნაკლები გოლი აქვს გაშვებული ჩემპიონატში (მხოლოდ 7). მილანის შემთხვევაში სიტუაცია სხვანაირადაა. პაულუ ფონსეკას გუნდი ძალიან არასტაბილურია ბევრ გოლს უშვებს. ფურცელზე ფავორიტი იუვენტუსია. 

იუვენტუსი დიდი დანაკლისით ხვდება ამ შეხვედრას: ხუან კაბრალი, ბრემერი და დუშან ვლაჰოვიჩი ვერ დაეხმარებიან ტიაგო მოტას გუნდს, მილანის მხარეს თამაშში მონაწილეობას ისმაელ ბენასერი ვერ მიიღებს, რომელიც კარგახანია დაშავებულია. 

უდიდესი როლი ექნებათ გუნდების მწვრთნელებს. მოტა და ფონსეკა სხვადასხვა სტილის მწვრთნელები არიან. პორტუგალიელს ბურთის კონტროლი და შეტევა უყვარს, ხოლო იტალიელი უფრო კონტრიერიშებზე ორიენტირებული და მეორე ნომრად არჩევს ხოლმე თამაშს.

ამ გუნდების 242-ე დაპირსპირების მთავარი არბიტრი, დანიელე კიფი იქნება.

მილანისა და იუვენტუსის ბოლო 5 ოფიციალური მატჩის სტატისტიკა ასეთია: 2 მოგება "როსონერის", 1 მოგება იუვეს და 2 ფრე.

ამ დაპირისპირების საუკეთესო ბომბარდირი, ჟოზე ალტაფინია, რომლემაც ორივე გუნდში მოასწრო თამაში. მატჩების კუთხით საუკეთესო პაოლო მალდინი - ლეგენდარულ იტალიელს 45 შეხვედრა აქვს ჩატარებული.