მილანი ზირკზეს ტრანსფერზე მუშაობას აგრძელებს — პრობლემა აგენტის საკომისიოა

მილანის ხელმძღვანელობა მზად არის ბოლონიას შემტევის გამოსასყიდი თანხა, 40 მილიონი ევრო გადაიხადოს, თუმცა, პრობლემა აგენტის საკომისიოა — ზირკზეს წარმომადგენელი ტრანსფერისთვის დამატებით 20 მილიონ ევროს ითხოვს.

შეგახსენებთ, რომ ჯოშუა ზირკზემ გასულ სეზონში ბოლონიას მაისური 37 შეხვედრაში მოირგო, 12 გოლი გაიტანა და 7 საგოლე გადაცემა გაიფორმა. 23 წლის ნიდერლანდელს სერია ა-ში სურს დარჩენა და მილანში გადასვლაზე თანახმაა.