მილანის წაუგებელი სერია გრძელდება — როსონერიმ ბოლონია დაამარცხა

შეხვედრის ანგარიში ლოფტუს-ჩიკმა მე-20 წუთზე გახსნა, რასაც 39-ე წუთზე ნკუნკუს მიერ ზუსტად შესრულებული თერთმემეტრიანი მოჰყვა და სტუმრები შესვენებაზე ორბურთიანი უპირატესობით გავიდნენ. მეორე ტაიმის სტარტზე, 48-ე წუთზე, რაბიომ მეტოქის უხეში შეცდომით ისარგებლა და საბოლოო ანგარიში, 0-3 დააფიქსირა.

გოლები: 0-1 ლოფტუს-ჩიკი (20'), 0-2 ნკუნკუ (39'), 0-3 რაბიო (48')

აღნიშნული გამარჯვების შემდეგ, მილანს 50 ქულა აქვს, მეორე ადგილზე იმყოფება და ლიდერს, ინტერს 5 ქულით ჩამორჩება. მასიმილიანო ალეგრის გუნდი მომდევნო ტურში პიზას ესტუმრება. ცნობისთვის, მილანი სერია ა-ში უკვე 22 მატჩია დაუმარცხებელია, რაც მიმდინარე სეზონის ევროპის ტოპ 5 ჩემპიონატში საუკეთესო შედეგია.