მილანმა ინტერი დაამარცხა და იტალიის თასის ფინალში გავიდა

კოპა იტალიას 2024/25 წლების სეზონის პირველი ფინალისტი ცნობილია — მილანმა ინტერი ორმატჩიან დუელში დაამარცხა და თასისთვის ბრძოლას აგრძელებს.

იტალიის თასის 1/2 ფინალური ეტაპის განმეორებით მატჩში, როსონერიმ ნერაძურის სამი უპასუხო გოლი გაუტანა, ორი მატჩის ჯამში 4-1 მოუგო და ფინალში თამაშის უფლება მოიპოვა.

დღევანდელ შეხვედრაში ანგარიში ლუკა იოვიჩმა 36-ე წუთზე გახსნა, ხოლო 49-ე წუთზე დუბლი გაიფორმა. 85-ე წუთზე, ინტერის კარი ტიჯანი რეინდერსმა აიღო და საბოლოო ანგარიში, 3-0 დააფიქსირა.



სერჟიო კონსეისაუს გუნდის მეტოქე იტალიის თასის ფინალში ოფიციალურად ხვალ გაირკვევა — ბოლონია საკუთარ კედლებში ემპოლის მიიღებს და პირველ მატჩში მოპოვებული დიდი უპირატესობის (3-0) შენარჩუნებას შეეცდება.