მილანმა პაულუ ფონსეკა გაათავისუფლა - მისი შემცვლელის ვინაობა ცნობილია

იტალიურ გრანდს 18 ტურის შემდეგ 27 ქულა აქვს და მე-8 ადგილზე იმყოფება. ფონსეკამ გუნდი 2024 წლის ზაფხულში ჩაიბარა და 24 მატში გაუძღვა, საიდანაც 12 მოიგო, 6 ფრედ დაასრულა და 6 წააგო.

ფაბრიციო რომანოს ინფორმაციით, უკვე ცნობილია, რომ მილანს სერჟიუ კონსეისაუ ჩაიბარებს. 50 წლის სპეციალისტი იტალიაში უახლოეს საათებში ჩაფრინდება და კლუბთან კონტრაქტს 2026 წლის 30 ივნისამდე გააფორმებს.

კონსეისაუ ბოლოს პორტუში მუშაობდა. მან მშობლიური კლუბი 2024 წლის ზაფხულში დატოვა და მას შემდეგ უგუნდოდ იყო.