მილანმა შარლ დე კეტელარეს იჯარაზე შეთანხმებას მიაღწია

„მილანის“ ბელგიელი შემტევი შარლ დე კეტელარე კარიერას „ატალანტაში“ გააგრძელებს.

ფაბრიციო რომანოს ინფორმაციით, „მილანმა“ და „ატალანტამ“ ფეხბურთელის ერთწლიან იჯარაზე შეთანხმებას მიაღწიეს.

„როსონერი“ დე კეტელარეს ერთწლიან იჯარაში 3 მილიონ ევროს მიიღებს, „ატალანტას“ კი სეზონის ბოლოს ფეხბურთელის გამოსყიდვა 23 მილიონ ევროდ შეეძლება.

23 მილიონის გარდა, 4 მილიონი ბონუსებით იქნება გათვალისწინებული და „მილანს“ შემდგომი გაყიდვის 10% ერგება.