ავტორიზაცია
მხარეების კვლავ ვერ თანხმდებიან - ნაპოლის კვარაცხელიას შემცვლელი უკვე ჰყავს
ბოლო კვირებში ხვიჩა კვარაცხელია ყურადღების ცენტრშია - ფეხბურთელსა და ნაპოლის შორის ახალ კონტრაქტზე შეთანხმება კვლავ ვერ დგება, რაც შესაძლო მოულოდნელ სცენარებს ავითარებს.
გასულ ზაფხულში ქართველი შემტევის შეძენა პარი სენ-ჟერმენს სურდა, მაგრამ ნეაპოლელთა ახალმა მთავარმა მწვრთნელმა, ანტონიო კონტემ ტრანსფერი დაბლოკა. თუმცა, იტალიურ კლუბთან დაახლოებული ჟურნალისტის, ფრანჩესკო მაროლდას ინფორმაციით, ნაპოლი ხვიჩას შეცვლაზე უკვე ფიქრობს.
აღნიშნული წყაროს ცნობით, თუ მხარეები ხელშეკრულების გახანგრძლივებაზე ვერ შეთანხმდებიან, ნაპოლი ქართველის გაყიდვას განიხილავს, მის შემცვლელად კი დავიდ ნერესს მოიაზრებს, რომელსაც ხვიჩას პოზიციაზე თამაში შეუძლია.
კვარაცხელიას ამჟამინდელი კონტრაქტი 2027 წლის 30 ივნისამდეა ძალაში.
