მოგება ზედიზედ მე-3 ტურში - ბარსელონა ლა ლიგის ლიდერია

მე-9 წუთზე, მარკ-ანდრე ტერ შტეგენის შეცდომის შედეგად, ანგარიში უნაი ლოპესმა გახსნა და რაიო დიდი ხანი იგებდა, თუმცა მე-60 წუთზე პედრიმ წონასწორობა აღადგინა. 71-ე წუთზე რობერტ ლევანდოვსკიმაც შეაგდო, მაგრამ გოლი ჯარიმის გამო გაუქმდა.

მიუხედავად ამისა, ბარსამ მაინც მოიგო - 82-ე წუთზე დანი ოლმომ, რომელსაც ახალ კლუბში დებიუტი ჰქონდა, გამარჯვების გოლი გაიტანა და მატჩის საუკეთესო ფეხბურთელადაც დასახელდა. 

აღსანიშნავია, რომ ბარსელონა ერთადერთი გუნდია, რომელმაც პრიმერა დივიზიონის მიმდინარე სეზონში სამივე შეხვედრა მოიგო და, შესაბამისად, სატურნირო ცხრილის სათავეშია.

ბარსელონა შემდეგ ტურში ვალიადოლიდს (31 აგვისტო, 19:00, სახლში) დაუპირისპირდება, რაიო კი - ესპანიოლს (31 აგვისტო, 21:15, გასვლაზე).