მოლაპარაკებები ჩიხში შევიდა — რეალმა შესაძლოა ვინისიუსი გაყიდოს

მადრიდის რეალის ხელმძღვანელობა და ვინსიუს ჟუნიორის წარმომადგენლები ახალ კონტრაქტზე უკვე რამდენიმე თვეა ვერ თანხმდებიან.

ესპანური მედიის ცნობით, სამეფო კლუბი არ აპირებს 25 წლის ბრაზილიელის სახელფასო მოთხოვნების დაკმაყოფილებას და მზად არის ფეხბურთელი ტრანსფერზე დააყენოს.

შეგახსენებთ, რომ ვინისიუს ჟუნიორი რეალში 2018 წელს გადავიდა და კლუბთან ერთად ჩემპიონთა ლიგა (2-ჯერ), ლა ლიგა (3-ჯერ), კოპა დელ რეი, ესპანეთის სუპერთასი (3-ჯერ), უეფას სუპერ თასი (2-ჯერ) და ფიფას საკლუბო მსოფლიო ჩემპიონატი (2-ჯერ) მოიგო.