მომავალ სეზონში იუნაიტედს ახალი ძირითადი გოლკიპერი ეყოლება? სოლსკიაერი ბოლოდროინდელ ინფორმაციას პასუხობს
„მან.იუნაიტედის“ მწვრთნელმა, ოლე-გუნარ სოლსკიაერმა, დავიდ დე ხეაზე ისაუბრა.
პრესაში ბოლო დროს გავრცელდა ინფორმაცია, რომ ზაფხულში დე ხეა გუნდს დატოვებს, „იუნაიტედის“ ძირითადი მეკარე კი დინ ჰენდერსონი გახდება.
„ის, რაც პრესაში გაჩნდა, უსამართლობაა როგორც ფანების, ისე დავიდ მიმართ. ეს მხოლოდ ხალხის ვარაუდია, რომლებსაც რეიტინგი სჭირდებათ>
რაც შეეხება ჰენდერსონს, როცა დინი მოედანზე გადის, ის ყოველთვის კარგად თამაშობს, რადგან მუდმივ მზადყოფნაშია.“ - აღნიშნა ნორვეგიელმა.
ასევე იწერება, რომ ჰენდერსონმა „იუნაიტედს“ ულტიმატუმი წაუყენა - თუ მომავალ სეზონში სასტარტო შემადგენლობის წევრი არ იქნება, ის გუნდს დატოვებს.
გასულ სეზონში დინმა „შეფილდში“ საუცხოოდ იასპარეზა, რის შედეგადაც მისით „ჩელსი“ დაინტერესდა, მაგრამ „იუნაიტედმა“ საკუთარი გოლკიპერის გაყიდვა არ მოისურვა.
