ავტორიზაცია
მორატა შესაძლოა ლა ლიგაში დაბრუნდეს
იტალიური "მილანის" ესპანელი თავდამსხმელი ალვარო მორატა, რომელიც "გალათასარაიში" იჯარით თამაშობს, შესაძლოა სამშობლოში დაბრუნდეს.
Fichajes-ის ცნობით, 32 წლის ფეხბურთელის ტრანსფერით "ხეტაფეა" დაინტერესებული.
წყაროს ცნობით, თავად ფორვარდი ესპანეთში დაბრუნების წინააღმდეგი არ არის.
მორატამ თურქული კლუბის შემადგენლობაში რვა მატჩში მიიღო მონაწილეობა, რომელშიც სამი გოლი გაიტანა და ერთი საგოლე გადაცემა გააკეთა.
თავდამსხმელის კონტრაქტი მილანთან 2028 წლამდეა ძალაში.
