ავტორიზაცია
მორიგი უარი პოლ პოგბას
პოლ პოგბა, რომელიც უკვე დიდი ხანია თავისუფალი აგენტია და ახალ კლუბს ეძებს, დოპინგ სკანდალის შემდეგ მოედანს ვერა და ვერ დაუბრუნდა. უკანასკნელი შეხვედრა პოგბამ 2023 წლის აგვისტოში ითამაშა. მას შემდეგ დოპინგ სკანდალი იყო და იუვენტუსთან გაწყვეტილი კონტრაქტი.
ფრანგი ბევრ გუნდს დაუკავშირეს, მაგრამ მსოფლიოს ჩემპიონის დამატება არავის სურს. რამდენიმე დღის წინ პოგბას აგენტებმა თავისი კლიენტი იტალიურ ფიორენტინას შესთავაზეს. სადაც ასევე თავისუფალი აგენტის სტატუსით ზაფხულში პოლის ყოფილი თანაგუნდელი დავიდ დე ხეა გადაბარგდა და ბრწყინვალედ ათამაშდა. ფეხბუთელს იმედი ჰქონდა, რომ ფიორენტინა მის დამატებაზე უარს არ იტყოდა, მაგრამ “იების“ პრეზიდენტმა როკო კომისომ პოგბას დამატებაზე უარი განაცხადა.
ფიორენტინას ბანაკში ყველაფერი კარგად აწონეს და მიიღეს გადაწყვეტილება, რომ ამ ეტაპზე ფრანგი ფეხბურთელი არ იყო მზად მოედანზე დასაბრუნებლად. უდიდესი ალბათობით, პოგბა მოედანს ახალი სეზონიდან დაუბრუნდება, მაგრამ თუ რომელ კლუბში გააგრძელებს კარიერას მანჩესტერის ყოფილი მოთამაშე ეს უცნობია.
