ავტორიზაცია
'მოსალაპარაკებლად 20-მდე კაცი მოიყვანა' - რატომ ჩაიშალა რონალდინიოს ტრანსფერი მანჩესტერ იუნაიტედში?
2003 წელს, სანამ რონალდინიო ბარსელონაში გადავიდოდა, მისი შეძენით მანჩესტერ იუნაიტედი ინტერესდებოდა.
მაშინ "წითელი ეშმაკების" აღმასრულებელი დირექტორი პიტერ კენიონი იყო, რომელმაც ჩაშლილი ტრანსფერი გაიხსენა:
"როგორც წესი, მოლაპარაკებებს ფეხბურთელთან და აგენტთან აწარმოებ, რონალდინიომ კი მოსალაპარაკებლად 20-მდე კაცი მოიყვანა.
გაუჩო დიდებული მოთამაშეა, მაგრამ მისი ცხოვრების სტილი ჩვენთვის მიუღებელი იყო. ბრაზილიური კულტურა განსხვავებულია.
კარგად იცით, იუნაიტედის ფილოსოფია როგორი იყო - ეს კლუბი განსხვავებულად არავის ეპყრობოდა."
საბოლოოდ, რონალდინიო ბარსელონაში გადავიდა და კატალონიური კლუბის ლეგენდა გახდა. ბარსამ გაუჩო €32.25 მილიონად შეიძინა.
