მოტა ბოლონიის ხელმძღვანელობას პსჟ-ს ინტერესის ფონზე შეხვდება

"ბოლონიას" მთავარი მწვრთნელი ტიაგო მოტა არის "პარი სენ-ჟერმენის" ხელმძღვანელობის რადარში, მაგრამ თავად სპეციალისტი არ ჩქარობს მწვრთნელის პოზიციის შეცვლას.

Gazzetta dello Sport-ის ცნობით, იტალიის ნაკრების ყოფილი ნახევარმცველი თავისი ამჟამინდელი კლუბის ხელმძღვანელებს მალე შეხვდება, რადგან თავად მოტა "ბოლონიაში" დარჩენას აპირებს. თუმცა, ტიაგოს "პსჟ"-ს მხრიდან დიდი ინტერესის გამო გარკვეული გარანტიები სურს.

შეგახსენებთ, რომ 2019 წელს მოტა ხელმძღვანელობდა პარიზელთა ახალგაზრდულ გუნდს. ევროპის ვიცე-ჩემპიონი "ბოლონიას" 2022 წლიდან უდგას სათავეში და სერია A-ს მიმდინარე გათამაშებაში მერვე ადგილს იკავებს.