მოულოდნელობებით სავსე F ჯგუფი დასრულდა - მაროკო პირველ ადგილზე გავიდა, ბელგია კი სახლში მიდის

თარიღი: 01 დეკ 2022, 20:59

მსოფლიო ჩემპიონატზე F ჯგუფი ოფიციალურად დასრულდა და ჩვენ ტურნირის ორი ახალი მერვედფინალისტი გვყავს.

19:00 საათზე ერთანეთის პარალელურად ჯგუფის ორი შეხვედრა გაიმართა, კანადა - მაროკო და ხორვატია - ბელგია.

კანადა 1-2 მაროკო

ხორვატია 0-0 ბელგია

ბელგიელებს ამ შეხვედრაში შემდეგ ეტაპზე გასასვლელად მხოლოდ გამარჯვება სჭირდებოდათ, რისი გაკეთებაც ვერ მოახერხეს და სენსაციურად ჯგუფში ჩარჩნენ.

ჯგუფის მთავარი მოულოდნელობა კი ბელგიის ჩარჩენასთან ერთად მაროკოს ნაკრებია, რომელმაც სამი მატჩიდან არცერთი არ დათმო და 7 ქულით პირველ ადგილზეც კი გავიდა.

მეორე ადგილს ვიცე-ჩემპიონი ხორვატია დაეუფლა, ბელგია და კანადა კი შინ ჯგუფური ეტაპის შემდეგვე წავიდნენ.