მოურინიო: "გვარდიოლასგან განსხვავებით ტიტულები სუფთად და სამართლიანად მოვიგე"

თურქული ფენერბაჰჩეს მთავარი მწვრთნელი, ჟოზე მოურინიო პეპ გვარდიოლას ჟესტს გამოეხმაურა, სადაც მან ხაზი გაუსვა პრემიერ ლიგის ტიტულებს.

"პეპს ჩემთვის რაღაცის თქმა სურდა — დიახ, მას პრემიერ ლიგის 6 ტიტული აქვს, თუმცა, გვარდიოლასგან განსხვავებით მე 3 ტიტული სუფთად და სამართლიანად მოვიგე. არ მაქვს ჩემპიონატების 150 ბრალდების ფონზე მოგების სურვილი" — განაცხადა ჟოზე მოურინიომ.

შეგახსენებთ, რომ ჟოზე მოურინიომ ჩელსისთან ერთად პრემიერ ლიგა 3-ჯერ მოიგო, ხოლო პეპ გვარდიოლა მანჩესტერ სიტის თავკაცის პოსტზე ჩემპიონატის გამარჯვებული 6-ჯერ გახდა.