მოურინიო: "რომა უსამართლობის შეგრძნებით მოკლულია, მსაჯი ესპანელს ჰგავდა"

რომაული გუნდი ანდალუსიურთან პენალტების სერიაში დამარცხდა მას შემდეგ, რაც მატჩის ძირითადი და დამატებითი დრო 1:1 დასრულდა.

„მე ვთქვი, რომ მოედანს ან თასით დავტოვებდით, ან მკვდრები. დღეს, ჩვენ მკვდრები ვართ. სიკვდილამდე დავიღალეთ ფიზიკურად და ფსიქოლოგიურად. მკვდრები ვართ, იმიტომ რომ მიგვაჩნია, რომ ეს ბევრი საკამათო ეპიზოდის გამო არის დაუმსახურებელი წაგება.

სიკვდილამდე დავიღალეთ, მაგრამ საკუთარი თავით ვამაყობთ. სულ ვამბობ, რომ მატჩი შეიძლება წააგო, მაგრამ არასდროს არ უნდა დაკარგო ღირსება ან პროფესიონალიზმი.

მე ხუთი ევროტურნირის ფინალი მოვიგე. ახლა დავმარცხდი, მაგრამ სახლში ისეთი ამაყი დავბრუნდები, როგორც არასდროს. ამ სეზონში ბიჭებმა აბსოლუტურად ყველაფერი გაიღეს.

ეს იყო დაძაბული, კაცური ფინალი, რომელზე მომუშავე არბირტიც (ენტონი ტეილორი) ესპანელს ჰგავდა. ის მუდმივად გვაძლევდა ბარათებს - ყვითელი, ყვითელი, ყვითელი. უსამართლობა მდგომარეობს იმაშიც, რომ ლამელას მეორე ყვითელი უნდა მიეღო, მაგრამ არ მიიღო, შემდეგ კი პენალტების სერიაში თავისი დარტყმა ზუსტად შეასრულა.", - აღნიშნა მოურინიომ.