მსოფლიო ჩემპიონატის შესარჩევი — რა ხდება საქართველოს ჯგუფში ორი ტურის შემდეგ?

საქართველოს ეროვნული ნაკრებისთვის სექტემბრის სანაკრებო პაუზა დასრულდა — ვილი სანიოლის გუნდმა ორ მატჩში 3 ქულა მოაგროვა.

პირველ ტურში, საქართველო დინამო არენაზე თურქეთს დაუპირისპირდა და დაძაბულ ბრძოლაში, 2-3 დამარცხდა, ხოლო მეორე ტურში ბულგარეთს 3-0 მოუგო.

ორი ტურის შემდეგ, E ჯგუფს ერთპიროვნულად ესპანეთის ნაკრები ლიდერობს, რომელმაც ჯერ ბულგარეთს 3-0 აჯობა, ხოლო შემდეგ თურქეთი 6-0 გაანადგურა. აღსანიშნავია, რომ ესპანელებმა ორივე მატჩი გასვლაზე ითამაშეს.

E ჯგუფის სატურნირო ცხრილი ორი ტურის შემდეგ

1) ესპანეთი — 6 ქულა
2) საქართველო — 3 ქულა
3) თურქეთი — 3 ქულა
4) ბულგარეთი — 0 ქულა

მომდევნო ტურის მატჩები (11 ოქტომბერი)

ესპანეთი V საქართველო
ბულგარეთი V თურქეთი