ავტორიზაცია

მსოფლიო ჩემპიონი 35 მილიონად! ლივერპულმა მაკ ალისტერის ტრანსფერი დაადასტურა

მსოფლიო ჩემპიონი 35 მილიონად! ლივერპულმა მაკ ალისტერის ტრანსფერი დაადასტურა
თარიღი 08 ივნ 2023, 14:37
„ლივერპულმა" 2022 წლის მსოფლიო ჩემპიონის ტრანსფერი ოფიციალურად დაადასტურა.

მერსისაიდულ კლუბს „ბრაიტონიდან" 24 წლის ნახევარმცველი, ალექსის მაკ ალისტერი შეუერთდა. 

შოტლანდიური ფესვების მქონე არგენტინელი ფეხბურთელის „ბრაიტონიდან" გამოსყიდვა „ლივერპულს" 35 მილიონი ფუნტი დაუჯდა. 

„შესანიშნავი გრძნობაა. ოცნება ამიხდა. აქ ყოფნით გახარებული ვარ და დაწყებას მოუთმენლად ველოდები. პრესეზონის პირველივე დღიდან საჭირო ფორმაში ყოფნა მინდოდა და მიხარია, რომ ყველაფერი მალევე მოგვარდა.", - აღნიშნა ფეხბურთელმა „ლივერპულის" ოფიციალურ არხთან საუბარში.

მაკ ალისტერმა გუნდთან კონტრაქტი 2028 წლის ივნისამდე გააფორმა და ახალ გუნდში ის 10-ნომრიანი მაისურით ითამაშებს.

„მსოფლიო ჩემპიონატის შემდეგ, ვთქვი, რომ უფრო მეტი ტიტულის მოგება მინდა და მგონია, რომ ეს კლუბი ამის მიღწევაში დამეხმარება.", - დასძინა არგენტინელმა.