მსოფლიო ფეხბურთის გამორჩეული ვარსკვლავი თბილისში ჩამოდის

16 მაისს, თბილისში, დინამო არენაზე ლეგენდების მატჩი გაიმართება, სადაც Geo 11 ბარსელონას ლეგენდებს დაუპირისპირდება.

აღნიშნულ მატჩში მონაწილეობას ბრაზილიის ეროვნული ნაკრების და ბარსელონას ლეგენდა, რონალდინიოც მიიღებს — ინფორმაცია ოფიციალურად დადასტურდა.

შეგახსენებთ, რომ რონალდინიო სხვადასხვა დროს პსჟ-ს, ბარსელონას და მილანის ღირსებას იცავდა და 2005 წელს ოქროს ბურთი მოიგო. 2002 წელს, ის ბრაზილიის ეროვნულ ნაკრებთან ერთად მსოფლიო ჩემპიონი გახდა.

Geo 11 V ბარსელონას მატჩზე დასასწრები ბილეთების გაყიდვა tkt.ge-ზე უკვე დაიწყო.