ავტორიზაცია
"მზად ვარ, მანჩესტერ იუნაიტედში უხელფასოდ ვითამაშო", - ჩიჩარიტო
"ლოს-ანჯელეს გელექსის" თავდამსხმელმა, ხავიერ ერნანდესმა განაცხადა, რომ მზად არის "მანჩესტერ იუნაიტედში" უფასოდ ითამაშოს.
"თუ "იუნაიტედი" ჩემთან მოვა, ვეტყოდი: "დიახ, უხელფასოდ ვითამაშებ". რა თქმა უნდა, იცით, ასეც მოვიქცეოდი", - ციტირებს მექსიკელის სიტყვებს Mirror-ი.
"მაგრამ აგრეთვე მინდა ჩემი კლუბის მიმართ პატივისცემა გამოვიჩინო. ძალიან სტაბილურად ვთამაშობ და ჩემი მიზანი "ლოს-ანჯელეს გელექსისთან" ერთად ჩემპიონატის მოგებაა".
"თუ მომავალში რაღაც მოხდება - მოხდეს, მაგრამ ახლა 100 პროცენტით "ლოს-ანჯელესთან" ვარ", - დასძინა ჩიჩარიტომ.
შეგახსენებთ, 34 წლის თავდამსხმელი "მანჩესტერ იუნაიტედის" ღირსებას 2010 წლიდან 2015 წლამდე იცავდა.
