"მზად ვართ დავამტკიცოთ, რომ მათზე უკეთესები ვართ" - დავითაშვილმა წილისყრა შეაფასა

რამდენიმე წუთის წინ შვეიცარიის ქალაქ ნიონში ერთა ლიგის 2022 წლის სეზონის წილისყრა დასრულდა.

საქართველოს ნაკრები C დივიზიონის D ჯგუფში ბულგარეთთან, ჩრდ.მაკედონიასთან და გიბრალტართან ითამაშებს.

წილისყრის დასრულების შემდეგ GOAL.GE საქართველოს ნაკრების ნახევარმცველ ზურიკო დავითაშვილს დაუკავშირდა, რათა მისი აზრი მოგვესმინა.

"როგორც ბულგარეთთან, ჩრდ.მაკედონიასთანაც რევანში გვაქვს ასაღები, მათთან ბოლო მატჩისგან მიღებული წყენა ყველას გვახოსვს. მზად ვართ დავამტკიცოთ, რომ მათზე უკეთესები ვართ, მიზანი ულაპარაკოდ პირველი ადგილია.

ყველას დიდი სურვილია, მაყურებლების წინაშე ვითამაშოთ და დარწმუნებული ვარ, იმ მწარე გამოცდილებიდან გამომდინარე, ყველა საშინაო მატჩზე სტადიონი სავსე იქნება," - განაცხადა Goal.Ge-სთან საუბრისას ტულას არსენალის 20 წლის შემტევმა.

ერთა ლიგის ახალი გათამაშება 2022 წლის ივნისიდან დაიწყება და ამ თვეში ჯვაროსნები 4-ჯერ ითამაშებენ, ხოლო ტურნირი სექტემბერში 2 შეხვედრით დამთავრდება.

"მაკედონია არ დაგვვიწყებია, რევანში გვაქვს ასაღები!" - გიორბელიძე წილისყრას აფასებს