ნაჩო კარიერას საუდის არაბეთში გააგრძელებს — ფეხბურთელმა სამედიცინო შემოწმება გაიარა
მადრიდის რეალის ცენტრალური მცველი, ნაჩო ფერნანდესი სამეფო კლუბს დატოვებს და კარიერას საუდის არაბეთში გააგრძელებს.
ფაბრიციო რომანოს ცნობით, 34 წლის ესპანელმა სამედიცინო შემოწმება უკვე გაიარა და ალ ქადსიაჰთან 2 წლიან კონტრაქტს მოწერს ხელს.
შეგახსენებთ, რომ ნაჩო ფერნანდესი რეალში 2011 წლიდან ირიცხებოდა და გუნდთან ერთად ჩემპიონთა ლიგა 6-ჯერ, ხოლო ესპანეთის ლა ლიგა 4-ჯერ მოიგო.