ავტორიზაცია
"ნამიბიის, უგანდის, ალბანეთისა და ფინეთის გარეშე, ოქროს ბურთს ვინისიუსი მოიგებდა": პერესი ხმის მიცემის სისტემას აკრიტიკებს
რეალ მადრიდის პრეზიდენტმა, ფლორენტინო პერესმა, წლიური საკლუბო ასამბლეის დროს, ოქროს ბურთის ხმის მიცემის პროცესი გააკრიტიკა.
"როდრი დიდებული ფეხბურთელია, ის ძალიან გვიყვარს, მაგრამ ერთ რამეს გეტყვით: ოქროს ბურთი მადრიდში უნდა წასულიყო. როდრი ამ ჯილდოს იმსახურებდა, მაგრამ არა წელს. ესპანელს ოქროს ბურთი გასულ სეზონში უნდა მოეგო, როცა მანჩესტერ სიტისთან ერთად ტრებლს დაეუფლა.
L’Equipe-ის მკითხველების ფავორიტი ვინისიუსი იყო. UEFA ამტკიცებს, რომ ხმის მიცემის სისტემა არ შეუცვლია, მაგრამ ასე არაა - მათ რაღაც შეცვალეს.
სისტემა უნდა შეიცვალოს. ამ გადაწყვეტილებას ის პირები უნდა იღებდნენ, რომლებიც ხმის მიცემით საკუთარ რეპუტაციას რისკავენ. სწორედ ამ მიზეზების გამო, დაჯილდოების ცერემონიას არ დავესწარით.
ნამიბიის, უგანდის, ალბანეთისა და ფინეთის გარეშე, ოქროს ბურთს ვინისიუსი მოიგებდა. ამ ქვეყნებმა ვინის 1 ხმაც კი არ მისცეს... ერთიც კი! (იცინის) ფინელი ჟურნალისტი გადადგა მაინც და თქვა, რომ ხმის მიცემაში მონაწილეობას აღარ მიიღებს, რასაც ვაფასებ.
ვინისიუსით ვამაყობთ. ჩვენთვის და ბევრი ქომაგისთვის, ის მსოფლიოში საუკეთესო ფეხბურთელია.
ვინი, მინდა, იცოდე, რომ რეალ მადრიდი შენით ამაყობს იმ ყველაფრის გამო, რაც გამოიარე. ამან იმ მოთამაშედ გაქცია, რაც დღეს ხარ," - განაცხადა პერესმა.
დაჯილდოების ცერემონიის მოახლოებამდე, ოქროს ბურთის მოგების ფავორიტად ყველა ვინისიუსს მიიჩნევდა, თუმცა შემდეგ, ძალიან მოულოდნელად გავრცელდა ცნობები, რომ ბრაზილიელი ამ პრიზს ვერ დაეუფლებოდა.
