ავტორიზაცია
ნანტის მწვრთნელი: "პსჟ-ს რეალისთვის პატივი რომ ეცა, 3:0-ს მოიგებდა, გაცილებით სუსტ გუნდთან დამარცხდა"
"ნანტის" მთავარმა მწვრთნელმა, ანტუან კომბუარემ განაცხადა, რომ "პსჟ" ჩემპიონთა ლიგაზე "რეალთან" მატჩს არასათანადოდ მიუდგა.
მოგეხსენებათ, პარიზელები საპასუხო 1/8 ფინალურ შეხვედრაში მადრიდელებთან ანგარიშით 1:3 დამარცხდნენ და ტურნირს გამოეთიშნენ.
"პსჟ"-მ თავს ვერ უშველა, მეტოქეს პატივისცემით არ მოეპყრო. მათთვის პატივი რომ ეცა, 3:0-ს მოიგებდა. არასწორად მოიქცნენ".
"ათჯერ რომ ეთამაშათ ეს მატჩი, მხოლოდ ერთხელ დამარცხდებოდნენ და სწორედ ეს შემთხვევა იყო. მათი სინანული იმას უკავშირდება, რომ გაცილებით სუსტ გუნდთან დამარცხდნენ", - ციტირებს კომბუარეს სიტყვებს GFFN-ი.
აღსანიშნავია, რომ 58 წლის სპეციალისტი ფეხბურთელობისას პარიზელთა ღირსებას იცავდა, 1990 წლიდან 1995 წლამდე.
