ნაპოლი მაკტომინეისა და გილმორს მალე დაიმატებს

ფაბრიციო რომანოს ინფორმაციით, ნაპოლი სკოტ მაკტომინეის ტრანსფერს მალე დახურავს.

"პარტენოპეი" შოტლანდიელი ფეხბურთელის სანაცვლოდ მანჩესტერ იუნაიტედს €30 მილიონს გადაუხდის. ინგლისურმა კლუბმა ეს შეთავაზება უკვე მიიღო, ახლა კი მოლაპარაკებები თავად მაკტოკინეისთან მიმდინარეობს და უკვე ბოლო ეტაპზეა.

რომანოს ცნობით, იტალიური კლუბი მეორე შოტლანდიელ მოთამაშესაც იმატებს - ნაპოლიმ ბილი გილმორის თაობაზე ბრაიტონთან ვერბალურ შეთანხმებას მიაღწია. ნეაპოლიტანელები მის სანაცვლოდ €17/18 მილიონს (პლუს ბონუსები) გადაიხდიან.

აურელიო დე ლაურენტისის კლუბი გილმორის ნეაპოლში ჩაყვანასა და სამედიცინო შემოწმებას მომავალი კვირის დასაწყისისთვის გეგმავს.