ნაპოლი მილანის ფეხბურთელს შეუთანხმდა

ფაბრიციო რომანოს ინფორმაციით, ნაპოლიმ ნოა ოკაფორთან შეთანხმებას მიაღწია და მილანიდან ფეხბურთელის იჯარით აყვანაზე მუშაობს.

თუ შვეიცარიელი ნეაპოლში იჯარით გადავა, "პარტენოპეის" მისი გამოსყიდვის ოფციაც ექნება. საბოლოო გადაწყვეტილება ნაპოლიმ უნდა მიიღოს - თუ აზრს თავად აურელიო დე ლაურენტისი არ შეიცვლის, გარიგება შედგება.

ზემოხსენებული წყაროს ცნობით, ნაპოლის ნოას იჯარა €2 მილიონი დაუჯდება, მისი გამოსყიდვა კი - €23 მილიონი. ამჟამად კლუბები ხელშეკრულებას აფორმებენ.

ოკაფორის ტრანსფერი ალან სენ-მაქსიმენზეცაა დამოკიდებული - ფრანგის დამატება ჯერ გადაწყვეტილი არაა.