ავტორიზაცია
"ნეაპოლის შემდეგ, პარიზსაც განსაკუთრებული სიხარული ელის" — ქინქლაძე კვარას ტრანსფერს გამოეხმაურა
ლეგენდარული ქართველი ფეხბურთლი, გიორგი ქინქლაძე სოციალური ქსელის მეშვეობით ხვიჩა კვარაცხელიას პსჟ-ში ტრანსფერს გამოეხმაურა.
"კვარამ წარსული თაობების ნატვრა რეალობად აქცია და მომავალ თაობებს წარმატებისკენ მიმავალი ჭიშკარი შეუღო. იქცა იმედად, რომ ხუთჯვრიანი დროშა მთავარ სცენებზე მუდმივად იფრიალებს. ეს დიდი გაბრწყინების მხოლოდ გარიჟრაჟია და მჯერა, რომ ნეაპოლის შემდეგ, პარიზსაც განსაკუთრებული სიხარული ელის. წარმატებები!" — დაწერა სოციალურ ქსელში გიორგი ქინქლაძემ.
