ნეიმარი კვლავ ტრავმირებულია

აღნიშნულ მატჩში, 87-ე წუთზე, ნეიმარ ჟუნიორი ტრავმის გამო შეცვალეს (ის თამაშში, დაზიანებამდე ნახევარი საათით ადრე, 58-ე წუთზე ჩაერთო). ფაბრიციო რომანოს ცნობით, ბრაზილიელ ფეხბურთელს, რომელსაც პრობლემები ბარძაყის არეში აქვს, არაბული კლუბის სამედიცინო პერსონალი გამოკვლევებს ჩაუტარებს, რის შემდეგაც ტრავმის სიმძიმე გვეცოდინება. 

ნეიმარი მოედანს 1-წლიანი პაუზის შემდეგ, ახლახან დაუბრუნდა, მაგრამ, სამწუხაროდ, როგორც ჩანს, კვლავ ლაზარეთში გადაინაცვლებს.

ბრაზილიელმა წინა დაზიანება 2023 წლის 19 ოქტომბერს მიიღო და 2024 წლის 21 ოქტომბერს, ალ აინთან მატჩში (5-4) დაბრუნდა. ესტეღლალთან შეხვედრა, ტრავმის მოშუშების შემდეგ, მისთვის მხოლოდ მე-2 იყო.

ნეიმარი ალ ჰილალში 2023 წლის ზაფხულში გადავიდა, მაგრამ მას შემდეგ მხოლოდ 7 შეხვედრა ჩაატარა. ჯერჯერობით, ჟუნიორის ანგარიშზე 1 გოლი და 3 ასისტია.