ავტორიზაცია

ნეიმარი ზღაპრული დაბრუნებისთვის ემზადება — ბარსელონა ტრანსფერზე მუშაობს

ნეიმარი ზღაპრული დაბრუნებისთვის ემზადება — ბარსელონა ტრანსფერზე მუშაობს
თარიღი 28 Feb 2025, 13:00
დევიდ ორსტეინის ინფორმაციით, ნეიმარის აგენტმა და ბარსელონას წარმომადგენლებმა ბრაზილიელი ფეხბურთელის კატალონიურ გრანდში დაბრუნებაზე მუშაობა დაიწყეს.

ნეიმარი ბარსაში კვლავ თამაშზე ოცნებობს. ვიქტორ ნავაროს ცნობით, მისი მიზანი ასეთია: სანტოსში ფორმის აღდგენა, 2026 წლის მსოფლიო ჩემპიონატის წინ ბრაზილიის ნაკრებში ადგილის დაბრუნება და ზაფხულში "ბლაუგრანაში" გადასვლა.

ბარსელონას პრეზიდენტ ჟოან ლაპორტასა და ნეიმარის აგენტ პინი ზაჰავის ძალიან ახლო ურთიერთობა აქვთ, რაც ტრანსფერს ხელს უწყობს. ნეიმარს ბარსაში ზღაპრული დაბრუნება სურს - თანაც, ის 2025 წლის 30 ივნისს თავისუფალი აგენტი გახდება.

ბრაზილიელი ვარსკვლავი მშობლიურ სანტოსში 1 თვის წინ დაბრუნდა და მოედანზე უკვე იმაზე მეტი დრო აქვს გატარებული, ვიდრე ალ ჰილალში 1 წელიწადზე მეტი ხნის განმავლობაში. ნეიმ ალ ჰილალში სულ 7 მატჩი ჩაატარა (ჯამში 428 წუთი), 1 გოლი გაიტანა და 3 საგოლე გადაცემა გააკეთა, სანტოსში კი მან უკვე 6 მატჩში მიიღო მონაწილეობა (ჯამში 432 წუთი), 2 გოლი გაიტანა (მათ შორის, ერთ-ერთი კუთხურიდან) და 3 ასისტი მიითვალა. შესაბამისად, ჩანს, რომ ნეიმარი მოტივირებულია და მაღალ დონეზე თამაში ისევ უნდა.