ნერეშის ტრავმის სიმძიმე ცნობილია — ფეხბურთელი უმნიშვნელოვანეს მატჩებს გამოტოვებს

იტალიურ მედიაში გავრცელებული ინფორმაციის თანახმად, ნაპოლის შემტევის, დავიდ ნერეშის ტრავმა სერიოზული გამოდგა და რამდენიმე კვირით მოუწევს დასვენება.

Gazzetta dello Sport-ის ცნობით, 27 წლის ბრაზილიელმა ტრავმა უდინეზესთან საშინაო მატჩის დროს მიიღო და გამოკვლევებით დადგინდა, რომ დაახლოებით 40 დღე ვერ დაეხმარება გუნდს.

შეგახსენებთ, რომ დავიდ ნერეში ნაპოლიმ გასულ ზაფხულში ბენფიკადან დაიმატა — მან ნეაპოლური გუნდის მაისური 24 შეხვედრაში მოირგო, 3 გოლი გაიტანა და 8 საგოლე გადაცემა გაიფორმა.