ნოიერმა იმაზე მეტი დრიბლინგი განახორციელა, ვიდრე პსჟ-ის ოთხმა შემტევმა ერთად

გუშინ, ჩემპიონთა ლიგის მე-5 ტურში, ბაიერნმა საკუთარ მოედანზე პარი სენ-ჟერმენი მიიღო და კიმ მინ-ჯეს გოლით 1-0 დაამარცხა.

ამ მატჩში მანუელ ნოიერმა ტექნიკური კუთხით საკმაოდ იაქტიურა - მეტიც, გერმანელმა მეკარემ იმაზე მეტი დრიბლინგი განახორციელა, ვიდრე პსჟ-ის სასტარტო შემადგენლობაში მყოფმა ოთხმა შემტევმა - უსმან დემბელემ, ბრედლი ბარკოლამ, ფაბიან რუისმა და უორენ ზაირ-ემერიმ ერთად.

ნოიერი ერთ-ერთ ეპიზოდში უსმან დემბელეს გასცდა და 1 დრიბლინგი დააგროვა. ამით 38 წლის კიპერმა არა მხოლოდ პარი სენ-ჟერმენის ფეხბურთელებს, არამედ ჰარი კეინს, ჯამალ მუსიალას, ლეონ გორეცკასა და იოზუა კიმიხსაც აჯობა.