ოფიციალურად: 34 წლის ჯუზეპე როსი სერია B-ს კლუბში ითამაშებს

იტალიელი თავდამსხმელი, ჯუზეპე როსი "სპალის" ფეხბურთელი გახდა, იუწყება სერია B-ს ბინადარი კლუბის ოფიციალური საიტი.

გამოცდილი ფორვარდი უკვე კლუბის განკარგულებაშია და გუნდთან ერთად ივარჯიშა კიდეც. ხელმძღვანელობის აზრით, 34 წლის ფორვარდი მათ უმაღლეს დივიზიონში დაბრუნებაში დაეხმარება.

როსი ამა წლის იანვრიდან უკლუბოდ იყო, მაშინ მან ამერიკული "რეალ სოლტ ლეიკის" რიგები დატოვა.

სერია A-ში იტალიის ნაკრების ექს-თავდამსხმელს 62 მატჩი აქვს ჩატარებული და 26 გოლი გატანილი, სადაც მას "ფიორენტინას", "პარმასა" და "ჯენოას" ღირსება დაუცვია. ამასთანავე, "ფურია როხას" მაისურით როსიმ 30 შეხვედრაში მეტოქეთა კარი 7-ჯერ აიღო.