ოფიციალურად: არსენალმა პეპე ფრანგულ ლიგა 1-ში იჯარით დააბრუნა

„არსენალის“ ნახევარმცველი ნიკოლას პეპე კარიერას „ნიცაში“ გააგრძელებს.

ფეხბურთელი საფრანგეთის ჩემპიონატში სეზონის ბოლომდე იჯარით დაბრუნდა, „ნიცას“ მისი გამოსყიდვის შესაძლებლობა არ ექნება.

პეპეს ლიგა 1-ში თამაშის გამოცდილება უკვე გააჩნია, „არსენალში“ გადასვლამდე ის „ლილში“, „ანჟერში“ და „ორლეანში“ თამაშობდა.

2019 წელს ფეხბურთლი „ლილიდან“ „არსენალში“ 80 მილიონ ევროდ გადავიდა, ამ პერიოდში მან „მეთოფეების“ მაისურით 111 მატჩში 27 გოლის გატანა შეძლო.

სეზონის ბოლოს, პეპეს „არსენალში" მოუწევს დაბრუნება, თუმცა თავის კარგად წარმოჩენის შემთხვევაში, „ნიცამ" შესაძლოა მისი გამოსყიდვაც სცადოს, რასაც ლონდონურ გუნდთან მოლაპარაკებების ხელახლა წამოწყება დასჭირდება.