ავტორიზაცია
ოფიციალურად: ბარსელონამ სამუელ უმტიტი იჯარით გაუშვა
„ბარსელონას“ ფრანგი მცველი სამუელ უმტიტი კარიერას იტალიურ „ლეჩეში“ გააგრძელებს.
„ლეჩემ“ 28 წლის ფეხბურთელი 2022/23-სეზონისთვის ინათხოვრა და ტრანსფერი უკვე ოფიციალურად დაადასტურა.
საღამოს უმტიტი იტალიაში ჩაფრინდება, ხვალ კი გუნდში სამედიცინო შემოწმებას გაივლის და ერთსეზონიან კონტრაქტს ხელს მოაწერს.
გავრცელებული ინფორმაციით, ამ ერთი წლის მანძილზე უმტიტის ხელფასს კვლავ „ბარსელონა“ გადაუხდის, „ლეჩეს“ მხრიდან კი კატალონიელებისთვის გარკვეული ბონუსები იქნება გათვალისწინებული.
გასულ სეზონში უმტიტიმ ლა ლიგაში მხოლოდ ერთი მატჩი ჩაატარა, ამ სეზონში კი ჯერ საერთოდ არ უთამაშია.
