ოფიციალურად: ჩელსი დატოვა ფეხბურთელმა, რომელმაც 8 წელიწადში გუნდში მხოლოდ 2 მატჩი ჩაატარა"

ლონდონის „ჩელსის“ აღზრდილმა ლუის ბეიკერმა „სტოკ სიტისთან“ სრულფასოვანი კონტრაქტი გააფორმა.

ამის შესახებ ლონდონური გუნდი ოფიციალურ ვებ-გვერდზე იტყობინება.

26 წლის ბეიკერი „ჩელსის“ აკადემიაში რვა წლის ასაკში ჩაირიცხა. ძირითადი გუნდის შემადგენლობაში მან მხოლოდ ორ მატჩში მიიღო მონაწილეობა.

პირველად ეს 2014 წლის 5 იანვარს „დერბისთან“ სათასო შეხვედრაში მოხდა, როცა მან მოედანზე მხოლოდ 3 წუთი გაატარა, მეორედ კი - 2022 წლის 8 იანვარს, ასევე თასზე, ოღონდ ამჯერად „ჩესტერთან“ შეხვედრაში (5:1, მოედანზე 31 წუთი გაატარა).

„ჩელსიმ“ 2015 წლის შემდეგ ბეიკერი იჯარით რვაჯერ გაანათხოვრა. ამჯერად კი „სტოკმა“ ფეხბურთელთან სრულფასოვანი კონტრაქტის გაფორმება გადაწყვიტა, მას კონტრაქტი სეზონის ბოლოს ეწურებოდა. თუმცა, ტრანსფერის თანხა არ საჯაროვდება.