ავტორიზაცია
ოფიციალურად: დუგლას კოსტა სათამაშოდ MLS-ში გადაბარგდა
ბრაზილიელი ნახევარმცველი დუგლას კოსტა „ლოს-ანჯელეს გალაქსის“ ფეხბურთელი გახდა.
ამერიკულმა გუნდმა ბრაზილიელი „იუვენტუსიდან“ 6-თვიანი იჯარით გადაიბირა.
ამ ექვსი თვის გასვლის შემდეგ, 31 წლის ფეხბურთელი თავისუფალი აგენტის სტატუსით „გალაქსისთან“ კიდევ 18-თვიან კონტრაქტს გააფორმებს.
2021 წელს კოსტა „იუვენტუსიდან“ იჯარით „გრემიოში“ გადავიდა, რომელმაც მისი გამოსყიდვა არ მოისურვა, ამიტომ ბრაზილიელს სხვა ვარიანტების ძიება მოუწია და ის ამერიკულ ვარიანტზე შეჩერდა.
პროფესიონალურ კარიერაში დუგლასმა 461 მატჩში მიიღო მონაწილეობა, რომლებშიც 68 გოლი და 101 საგოლე გადაცემა მიითვალა, „იუვეს“ და „გრემიოს“ გარდა მას „ბაიერნში“ და დონეცკის „შახტარში“ აქვს ნათამაშები.
