ოფიციალურად: იუვენტუსმა დე ლიგტის შემცვლელის ტრანსფერი დაადასტურა
"იუვენტუსის" ხელმძღვანელობამ "ტორინოს" ცენტრალური მცველის, გლეისონ ბრემერის ტრანსფერი დააანონსა.
"ბიანკონერიმ" სოციალურ ქსელში 25 წლის ბრაზილიელი ფეხბურთელის ფოტოები გამოაქვეყნა.
როგორც გავლენიანი ჟურნალისტი, ფაბრიციო რომანო წერს, ბრემერმა 2027 წლამდე გათვლილი კონტრაქტი უკვე გააფორმა. იგი ახალ კლუბში სამედიცინო შემოწმებას დღეს გაივლის, რის შემდეგაც "იუვე" გარიგებას ოფიციალურად დახურავს.
აქამდე გავრცელებული ინფორმაციით, "ბებერ ქალბატონს" აღნიშნული ტრანსფერი 40+7 მილიონი ევრო დაუჯდება.
გასულ სეზონში ბრემერმა, რომელიც "ბაიერნში" გადასული მატეის დე ლიგტის შემცვლელად განიხილება, "ტორინოს" მაისურით სერია ა-ს 33 მატჩში მიიღო მონაწილეობა, 3 გოლი გაიტანა და ერთი შედეგიანი გადაცემაც ჩაიწერა საკუთარ აქტივში.
იუვემ ინტერს გადაუჯოკრა — ბიანკონერიმ სარფიანი შეთავაზება გააკეთა, პირობებიც ცნობილია
