ოფიციალურად: ლუის სუარესმა ახალ გუნდში გადასვლა დაადასტურა

"აიაქსის", "ლივერპულის", "ბარსელონასა" და "ატლეტიკოს" ყოფილმა თავდამსხმელმა, ლუის სუარესმა ურუგვაულ "ნასიონალ მონტევიდეოში" გადასვლა დაადასტურა.

35 წლის ფეხბურთელმა ვიდეომიმართვა გამოაქვეყნა, სადაც ახალ კლუბთან წინასწარი შეთანხმების მიღწევა დაადასტურა.

"ნასიონალმა" სოციალურ ქსელში ფეხბურთელის მიმართვა გამოაქვეყნა და ტრანსფერი დააანონსა.

ასე და ამგვარად, სუარესი ბრუნდება გუნდში, სადაც პროფესიონალურ დონეზე თავისი სადებიუტო სეზონი (2005/06) გაატარა.

ამის შემდეგ, ურუგვაელმა ევროპულ კლუბებში იასპარეზა - "გრონინგენში", "აიაქსში", "ლივერპულში", "ბარსელონასა" და "ატლეტიკოში".

სუარესი ესპანეთის 5-გზის ჩემპიონია (4-ჯერ "ბარსას" რიგებში, ერთხელ კი "ატლეტიკოს" რიგებში) და ჩემპიონთა ლიგის ერთგზის გამარჯვებული (2014/15). ურუგვაის ნაკრებთან ერთად მან 2011 წელს კოპა ამერიკა მოიგო.

აღსანიშნავია, რომ გასულ სეზონში ლუისმა "ატლეტიკოს" მაისურით ყველა ტურნირზე ერთად 45 მატჩი ჩაატარა, 13 გოლი გაიტანა და 3 შედეგიანი პასი გააკეთა.

პრაქტიკულად გადაწყვეტილია — ლუის სუარესი ახალ გუნდში გადადის