ავტორიზაცია
ოფიციალურად: ნაპოლიმ პრემიერ ლიგის კლუბის ცენტრალური მცველი იყიდა
"ბრაიტონის" ცენტრალური მცველი, ლეო ესტიგორი, რომელიც ინგლისურ კლუბში 4 წელიწადი ირიცხებოდა, მაგრამ პირველ გუნდში ერთი მატჩიც კი არ ჩაუტარებია, "ნაპოლიში" ითამაშებს.
ნეაპოლელებმა ნორვეგიის ეროვნული ნაკრების 22 წლის ფეხბურთელის შეძენა ოფიციალური საიტის მეშვეობით დაადასტურეს.
როგორც ცნობილი ჟურნალისტი, ნიკოლო სკირა წერს, "ნაპოლის" ეს ტრანსფერი 5 მილიონი ევრო დაუჯდა, შეთანხმებაში სხვადასხვა ბონუსიცაა გათვალისწინებული.
აღსანიშნავია, რომ თავად ახალგაზრდა ფლანგის მცველმა სერია ა-ს ერთ-ერთ ტოპ კლუბთან 2027 წლამდე გათვლილ კონტრაქტს მოაწერა ხელი.
გასული სეზონის მეორე ნახევარი ესტიგორმა იჯარის წესით "ჯენოაში" გაატარა, სადაც ყველა ტურნირზე ერთად 14 მატჩი ჩაატარა და ორი გოლი გაიტანა.
