ოფიციალურად: ოდეგორი პრემიერ ლიგის გრანდში გადავიდა

"არსენალმა" "რეალის" ნახევარმცველის, მარტინ ოდეგორის იჯარის წესით დამატება დაადასტურა.

22 წლის ნორვეგიელი ლონდონურ კლუბში მიმდინარე სეზონის დარჩენილ ნაწილს გაატარებს და "მეთოფეთა" ღირსებას 11-ნომრიანი მაისურით დაიცავს.

აქამდე გავრცელებული ცნობით, "რეალი" ოდეგორის არენდაში 2 მილიონ ევროს მიიღებს, ხელშეკრულებაში კი შემდგომი გამოსყიდვის პუნქტიც იქნება გათვალისწინებული.

2020/21 წლების სეზონში ახალგაზრდა ნახევარმცველმა "სამეფო კლუბის" მაისურით ლა ლიგაში 7 მატჩი ჩაატარა.