ავტორიზაცია
ოფიციალურად: რეალმა იოვიჩი იტალიის ჩემპიონატში უფასოდ გაუშვა
მადრიდის "რეალის" აწ უკვე ყოფილი თავდამსხმელი, ლუკა იოვიჩი კარიერას იტალიის ჩემპიონატში გააგრძელებს.
24 წლის სერბმა "ფიორენტინასთან" 2024 წლამდე გათვლილ კონტრაქტს მოაწერს ხელს, თანამშრომლობის კიდევ ორი სეზონით გაგრძელების შესაძლებლობით.
კლუბები გარკვეული დროის მანძილზე იჯარაზე აწარმოებდნენ მოლაპარაკებებს, მაგრამ საბოლოო ჯამში სრულფასოვან ტრანსფერზე შეთანხმდნენ - მიუხედავად ამისა, ფლორენციელები არანაირ თანხას არ გადაიხდიან.
ასე და ამგვარად, "რეალმა" იოვიჩი უფასოდ გაუშვა, მაგრამ მისი შემდგომი გაყიდვიდან მიღებული ფულის 50 პროცენტი "ბლანკოსს ერგება.
ცნობისთვის, ლუკა "სამეფო კლუბში" 2019 წელს ფრანკფურტის "აინტრახტიდან" გადავიდა, თუმცა მისი მადრიდული კარიერა წარუმატებელი აღმოჩნდა.
იოვიჩის გოლი სოსიედადის კარში
