ავტორიზაცია
ოფიციალურად: რემსი, რომელმაც იუვენტუსთან კონტრაქტი გაწყვიტა, ახალ გუნდში გადავიდა
"იუვენტუსის" აწ უკვე ყოფილმა ნახევარმცველმა, აარონ რემსიმ "ნიცასთან" მოაწერა კონტრაქტს ხელი, იუწყება ფრანგული კლუბის ოფიციალური საიტი.
მხარეებს შორის გაფორმებული ხელშეკრულების პირობები არ ხმაურდება.
მოგეხსენებათ, ივლისის ბოლო რიცხვებში 31 წლის უელსელმა "იუვენტუსთან" თანამშრომლობა ორმხრივი შეთანხმების შედეგად შეწყვიტა.
გამოცდილ ნახევარმცველს "ბიანკონერიში" 2021 წლის ოქტომბრის შემდეგ არ ჰქონდა ნათამაშები. 2021/22 წლების სეზონში მან სერია ა-ში მხოლოდ 3 მატჩი ჩაატარა.
გასული სეზონის მეორე ნახევარი რემსიმ გლაზგოს "რეინჯერსში" გაატარა. შოტლანდიის ჩემპიონატში აარონმა 7 შეხვედრაში მიიღო მონაწილეობა და ორი გოლი შეაგდო.
