ოფიციალურად: რობერტო სოლდადო ლა ლიგის სხვა გუნდში გადავიდა

„ლევანტემ“ ცნობილი ესპანელი თავდამსხმელის, რობერტო სოლდადოს ტრანსფერი ოფიციალურად დაადასტურა.

36 წლის ფეხბურთელთან ვალენსიურმა კლუბმა 2023 წლამდე გააფორმა კონტრაქტი. სოლდადო „ლევანტეს“ სრულიად უფასოდ შეუერთდა, მას შემდეგ, რაც „გრანადასთან“ კონტრაქტი გაწყვიტა.

2020/21-სეზონში, ვეტერანმა ფორვარდმა 43 მატჩში 14 გოლი და 2 საგოლე გადაცემა მიითვალა. „გრანადაში“ სოლდადო 2019 წლიდან ასპარეზობდა.

იქამდე, მას „ვილიარეალში“, „ტოტენჰემში“, „ვალენსიაში“, „ხეტაფეში“, „ოსასუნაში“ და „რეალში“ ჰქონდა ნათამაშები.