ოფიციალურად: შევჩენკო ჯენოას მთავარი მწვრთნელის თანამდებობიდან დაითხოვეს
![ოფიციალურად: შევჩენკო ჯენოას მთავარი მწვრთნელის თანამდებობიდან დაითხოვეს](http://storage.goal.ge/uploads/posts/f8s6GUvdCPzrHGISmqgLd6ejHhTo247Z.jpg)
"ჯენოას" პრესსამსახურმა გუნდის მთავარი მწვრთნელის პოსტიდან ანდრეი შევჩენკოს გათავისუფლება დაადასტურა.
როგორც აღინიშნება, ლეგენდარული უკრაინელის გაშვების მიზეზი გუნდის მიერ ნაჩვენები არადამაკმაყოფილებელი შედეგებია.
45 წლის სპეციალისტის ხელმძღვანელობის ქვეშ გენუელებმა სერია ა-ში 9 მატჩი ჩაატარეს და მხოლოდ 3 ქულის მოპოვება მოახერხეს - 3 ფრე, 6 მარცხი.
შევჩენკოს მეთაურობით "ჯენოამ" ერთადერთი მატჩი მოიგო, ისიც იტალიის თასის ეგიდით, "სალერნიტანას" (1:0) წინააღმდეგ.
აქამდე გავრცელებული ინფორმაციით, კონტრაქტის ვადაზე ადრე გაწყვეტისთვის იტალიური კლუბი შევჩენკოსა და მის სამწვრთნელო შტაბს კომპენსაციის სახით 20 მილიონ ევროს გადაუხდის.
მოგეხსენებათ, ლეგენდარული უკრაინელი "ჯენოას" სათავეში 2021 წლის 7 ნოემბერს ჩაუდგა.