ოფიციალურად - თემურ ქეცბაიამ ანორთოსისთან კონტრაქტი გაახანგრძლივა

თემურ ქეცბაია ანორთოსისში რჩება, ქართველმა მწვრთნელმა კვიპროსულ კლუბთან ხელშეკრულება გაახანგრძლივა.

ამის შესახებ ფამაგუსტელთა ოფიციალური ვებგვერდი იუწყება და წერენ, რომ მხარეებს შორის 2-წლიანი ხელშეკრულება გაფორმდა.

გაზაფხულზე იყო საუბარი, რომ თემურ ქეცბაია ანორთოსისის დატოვებას აპირებდა, თუმცა მას შემდეგ, რაც მან კლუბთან ერთად კვიპროსის თასი მოიგო, ყველაფერი შეიცვალა, ხელმძღვანელობა ქართველ მწვრთნელს ბიუჯეტის გაზრდას დაპირდა.

თემურ ქეცბაია ანორთოსისს გუნდში დაბრუნების შემდეგ 2019 წლიდან წვრთნის და მას შემდეგ მათ კვიპროსის თასი მოიგეს. ეს იყო პირველი ტიტული 14-წლიანი პაუზის შემდეგ. 2007 წელსაც, როცა გუნდმა ტიტული მოიგო, ანორთოსისის მთავარი მწვრთნელი თემურ ქეცბაია იყო.

ტრანსფერი შეთანხმებულია - ქეცბაიამ ანორთოსისში ოქრიაშვილის შემცვლელიც მიიყვანა

სად უნდა გადავიდეს ხვიჩა კვარაცხელია? - თემურ ქეცბაიას მოსაზრება